Biznes uchun huquqiy tayanch yaratamiz

Jamoaviy yondashuv

Biz jamoaviy yondashuv tamoyili asosida ishlaymiz. Har bir loyiha ustida bir vaqtning o‘zida bir nechta amaliyot yo‘nalishi mutaxassislari ishlaydi, shu bois loyihaning barcha korporativ, soliq, regulyativ, sud va tijorat jihatlari hisobga olinadi. Bunday yondashuv xatarlarni har tomonlama baholash va qarorlarni tez qabul qilishni ta’minlaydi, shuningdek loyihalarni tashqi maslahatchilarni jalb qilmasdan olib borish imkonini beradi.

Texnologiyalar va raqamli iqtisodiyot

Texnologik biznes va raqamli iqtisodiyot loyihalariga huquqiy xizmat ko‘rsatish firma faoliyatining asosiy yo‘nalishlaridan biridir. Alohida yuristlar jamoasi IT-kompaniyalar, startaplar va raqamli platformalarni huquqiy qo‘llab-quvvatlashga ixtisoslashgan va loyihalarga rivojlanishning barcha bosqichlarida — yuridik tuzilmani yaratish va intellektual mulk huquqlarini rasmiylashtirishdan tortib investitsiyalarni jalb qilish, biznes ko‘lamini kengaytirish va xalqaro bozorlarga chiqishgacha — yordam beradi.

ABACUS yuristlari elektron tijorat, marketpleyslar, SaaS-platformalar, moliyaviy texnologiyalar, to‘lov xizmatlari, tibbiyot va ta’lim texnologiyalari, mobil ilovalar, bulutli yechimlar, IT-autsorsing, sun’iy intellekt, raqamli marketing, telekommunikatsiyalar va shaxsga doir ma’lumotlarga ishlov berish sohalaridagi loyihalarda ishlash bo‘yicha amaliy tajribaga ega. Jamoa dasturiy ta’minotni litsenziyalash, foydalanuvchi hujjatlarini ishlab chiqish, elektron hujjat aylanishi, raqamli to‘lovlar, intellektual mulkni himoya qilish, ma’lumotlarni lokalizatsiya qilish, komplayens, reklama to‘g‘risidagi qonunchilik hamda davlat regulyatorlari bilan o‘zaro munosabatlar masalalari bo‘yicha maslahat beradi.

Sohalar va yirik loyihalar

Axborot texnologiyalari sohasidagi loyihalardan tashqari, firma energetika, neft-gaz, qurilish va ko‘chmas mulkni rivojlantirish, bank sektori, ishlab chiqarish, transport va logistika, telekommunikatsiyalar, tibbiyot va farmatsevtika, sanoat hamda chakana savdo sohalaridagi eng yirik bitimlar va investitsiya loyihalarida yuridik maslahatchi sifatida ishtirok etadi. Jamoa EPC va FIDIC shartnomalari, davlat-xususiy sheriklik loyihalari, loyihaviy moliyalashtirish, korporativ qayta tuzish, M&A bitimlari, uskunalarni transchegaraviy yetkazib berish, valyuta va soliq jihatidan tuzilmalashtirish bo‘yicha huquqiy yordam ko‘rsatishda, shuningdek davlat organlari, xalqaro investorlar va moliya institutlari bilan ishlashda katta tajribaga ega.

Nizolarni hal etish

Amaliyotning alohida yo‘nalishi — nizolarda mijozlar manfaatlarini himoya qilish. ABACUS mutaxassislari nizoni hal etishning barcha bosqichlarida — huquqiy audit va muzokaralardan tortib sudda vakillik qilish va xalqaro arbitrajgacha — mijozlarga huquqiy yordam ko‘rsatadi. Jamoa iqtisodiy, korporativ, ma’muriy, fuqarolik va jinoyat ishlarini, shu jumladan yirik investitsiya va infratuzilma loyihalarini amalga oshirishda yuzaga keladigan nizolar bo‘yicha ishlarni muvaffaqiyatli olib bormoqda.

Xalqaro amaliyot

Firma amaliyotida O‘zbekiston Respublikasi qonunchiligini chuqur bilish xalqaro loyihalarga huquqiy xizmat ko‘rsatish tajribasi bilan uyg‘unlashgan. Firma yuristlari mijozlarga korporativ boshqaruv, xalqaro savdo, tashqi iqtisodiy faoliyat, monopoliyaga qarshi tartibga solish, komplayens, sanksiyaviy cheklovlar, valyuta qonunchiligi va xalqaro tijorat huquqi masalalari bo‘yicha maslahat beradi. Loyihalarning salmoqli qismi O‘zbekiston va Markaziy Osiyo mamlakatlarida faoliyat yuritayotgan xorijiy investorlar va kompaniyalar ishtirokida amalga oshiriladi.

Jamoa va malaka

Mutaxassislarimizning kasbiy tayyorgarligi O‘zbekiston, Yevropa va Rossiyaning yetakchi universitetlarida olingan ta’lim, xalqaro malakalar, advokat va professional mediator maqomi, shuningdek Markaziy Osiyo va MDH mamlakatlarida, Yevropa, Xitoy, Yaqin Sharq va Shimoliy Afrikada loyihalarni amalga oshirish bo‘yicha amaliy tajribani o‘z ichiga oladi. Malakani doimiy oshirib borish va xalqaro kasbiy hamjamiyat faoliyatida ishtirok etish jamoaga mahalliy tartibga solish xususiyatlarini hisobga olgan holda jahonning ilg‘or yuridik amaliyotini qo‘llash imkonini beradi.