ABACUS yuridik firmasining raqamli biznes amaliyotiga rahbarlik qiladi. Axborot texnologiyalari va raqamli mahsulotlarni huquqiy tartibga solish, intellektual mulk va shaxsga doir ma’lumotlarni himoya qilish, investitsiyalar hamda bitimlarni tuzilmalashtirish, shartnoma va soliq huquqi masalalariga ixtisoslashgan.
Akmal Sharopov — ABACUS yuridik firmasining birgalikda boshqaruvchi hamkori, raqamli biznes amaliyoti rahbari. Shartnoma va soliq huquqi, intellektual mulk, shaxsga doir ma’lumotlarni himoya qilish, investitsiyalarni tuzilmalashtirish hamda axborot texnologiyalarini huquqiy tartibga solish masalalari bo‘yicha maslahat beradi.
Uning sohaviy tajribasi dasturiy ta’minot ishlab chiqish, SaaS-platformalar va raqamli mahsulotlar, moliyaviy texnologiyalar (FinTech), elektron tijorat, media, venchur investitsiyalar va texnologik startaplarni qamrab oladi. Akmalning amaliyoti investitsiya bitimlarini huquqiy qo‘llab-quvvatlash, raqamli mahsulotlarni tartibga solish va intellektual mulkni himoya qilishni o‘z ichiga oladi.
- Yirik moliyaviy guruhning O‘zbekiston bozoriga kirishini huquqiy qo‘llab-quvvatlash.
- Nazarda tutilgan soliq imtiyozlaridan foydalanish maqsadida kompaniyalar guruhini IT Park Uzbekistan talablariga muvofiq tuzilmalashtirish.
- O‘zbekistonda moliyaviy (FinTech), tibbiy (MedTech) va ta’lim (EdTech) texnologiyalari hamda elektron tijorat loyihalarini ishga tushirishni huquqiy qo‘llab-quvvatlash.
- Axborot texnologiyalari uskunalarini yetkazib berish bilan bog‘liq tashqi iqtisodiy faoliyat loyihalarini tuzilmalashtirish.
- Kompaniyalar guruhining tashqi iqtisodiy faoliyatini soliq jihatidan tuzilmalashtirish.
MDH mamlakatlari, Yevropa, Markaziy Osiyo, Xitoy, Yaqin Sharq va Shimoliy Afrika (MENA).
Pro bono asosida yuridik klinikalar va hayvonlarni himoya qilish tashkilotlari faoliyatini qo‘llab-quvvatlaydi.
