ABACUS va AloqaVentures startaplar hamda fondning portfel kompaniyalarini qo‘llab-quvvatlashga qaratilgan hamkorlikni rivojlantirish to‘g‘risida kelishib oldi.
Hamkorlik doirasida taraflar quyidagi yo‘nalishlarni ko‘rib chiqmoqda:
- startaplar va portfel kompaniyalariga huquqiy yordam ko‘rsatish (xususan, korporativ, shartnoma va mehnat huquqi, intellektual mulk, raqamli mahsulotlarni tartibga solish, komplayens, soliqlar va investitsiyalar bo‘yicha), shu jumladan maxsus shartlarda;
- maslahatlar berish, huquqiy diagnostika o‘tkazish va yuridik xatarlar sharhini tayyorlash;
- ABACUS yuridik firmasining AloqaVentures tadbirlarida (forumlar, akseleratsiya va ta’lim dasturlari, amaliy seminarlar) ishtirok etishi, ma’ruzalar bilan chiqishi va o‘quv mashg‘ulotlari o‘tkazishi;
- ABACUS vakillarini startaplarni rivojlantirish dasturlariga mentor, ekspert va ma’ruzachi sifatida jalb qilish.
Hamkorlik texnologik loyihalar va tadbirkorlarning rivojlanishi uchun yanada barqaror va professional muhit yaratishga qaratilgan.
Hamkorlik haqida ABACUS Telegram-kanalida batafsil so‘zlab berdik.
