Korporativ huquq, xalqaro bitimlar, shartnoma-huquqiy ishlar, mehnat va soliq huquqiga ixtisoslashgan.
Farangiz korporativ huquq, xalqaro bitimlar, shartnoma-huquqiy va maslahat ishlari, mehnat va soliq huquqi, shuningdek, shaxsga doir ma’lumotlarni himoya qilishga ixtisoslashgan. ABACUS jamoasida infratuzilma va qurilish, chakana savdo, elektron tijorat va media sohalaridagi mijozlarning korporativ va tijorat loyihalarini huquqiy qo‘llab-quvvatlashda ishtirok etadi.
Uning amaliyoti bitimlar va shartnomalarni huquqiy qo‘llab-quvvatlash, loyiha va korporativ faoliyat, elektron tijorat hamda tashqi iqtisodiy aloqalarni qamrab oladi. Farangizning asosiy loyihalari qatoriga mahsulot yetkazib berish shartnomalarini ishlab chiqish, fuqarolarni xorijda ishga joylashtirish bo‘yicha hujjatlarni tayyorlash va mediakompaniyalarga kompleks huquqiy xizmat ko‘rsatish kiradi.
Farangiz Toshkent davlat yuridik universitetini (LL.B.) tamomlagan va Poznandagi Adam Mitskevich nomidagi universitetda (Polsha) xalqaro huquq bo‘yicha tahsil olgan. M. G. Rosenberg Moot tanlovida «Javobgarning eng yaxshi memorandumi» nominatsiyasida g‘olib chiqqan, DAAD (Germaniya) stipendiyasini olgan, Willem C. Vis East Moot va TAA Arbitration Academy ishtirokchisi bo‘lgan. O‘zbekiston Respublikasi Tashqi ishlar vazirligida va O‘zbekistonning Erondagi elchixonasida stajirovka o‘tagan. 2025-yildan buyon professional mediator maqomiga ega.
Jamoatchilik asosida TDYU yuridik klinikasida (TSUL Legal Clinic) maslahat beradi, Arbitration Week Tashkent tadbirlarini tashkil etishda ishtirok etadi, «Ne molchi» tashabbusi doirasida zo‘ravonlikdan jabrlanganlarga yordam beradi, o‘quv sud jarayonlari va ma’rifiy tadbirlarda qatnashadi. O‘zbek, rus, ingliz va nemis tillarini biladi.
