Tijorat, mehnat, ma’muriy va fuqarolik huquqi, shuningdek, ijro ishini yuritish masalalariga ixtisoslashgan.
Nafisa tijorat, mehnat, ma’muriy va fuqarolik huquqi, ijro ishini yuritish hamda tashkilotlar faoliyatini huquqiy qo‘llab-quvvatlash masalalariga ixtisoslashgan. Shuningdek, davlat ayblovini quvvatlash, huquqni qo‘llash amaliyotini tahlil qilish va shartnomalarni ekspertizadan o‘tkazish bo‘yicha tajribaga ega.
ABACUS jamoasida korporativ loyihalarni huquqiy qo‘llab-quvvatlash, shartnoma-huquqiy ishlar, komplayens tekshiruvlari hamda huquqni qo‘llash amaliyoti masalalari bo‘yicha maslahat berishda ishtirok etadi. Korporativ huquq, lokal normativ hujjatlarni ekspertizadan o‘tkazish, xalqaro yo‘nalishda huquqiy xizmat ko‘rsatish va ichki nazorat masalalari bilan ham ishlaydi.
Nafisaning asosiy loyihalari qatoriga qarzdorlikni undirish va mol-mulkni xatlash tartib-taomillarida huquqiy yordam ko‘rsatish, jinoyat va ma’muriy ishlar bo‘yicha vakillik, fan va ta’lim sohasidagi shartnoma-huquqiy ishlar, akademik almashinuvlarni huquqiy qo‘llab-quvvatlash, ichki tekshiruvlar o‘tkazish hamda murojaatlar bilan ishlash kiradi.
Nafisa Toshkent islom akademiyasini (LL.B.) tamomlagan va Toshkent davlat yuridik universitetida huquq magistri (LL.M.) darajasini olgan. O‘zbekiston Respublikasi Adliya vazirligi unga 3-darajali (2021-yil) va 2-darajali (2024-yil) yurist malaka sertifikatlarini bergan. Leytenant unvoniga ega. O‘zbek, rus va ingliz tillarini biladi.
