Korporativ, xalqaro tijorat va investitsiya huquqiga, shuningdek, M&A bitimlari va investitsiya loyihalarini huquqiy qo‘llab-quvvatlashga ixtisoslashgan.
Husanbek korporativ va shartnoma huquqi, M&A bitimlari, xalqaro xususiy, tijorat va investitsiya huquqi, soliq huquqi, shuningdek, tashqi iqtisodiy faoliyat, transchegaraviy bitimlar va investitsiya loyihalarini huquqiy qo‘llab-quvvatlashga ixtisoslashgan.
Korporativ bitimlarni huquqiy qo‘llab-quvvatlash, shartnomalarni tayyorlash va huquqiy ekspertizadan o‘tkazish, investitsiyalarni tuzilmalashtirish ishlarida ishtirok etadi; O‘zbekistonda mikromoliya tashkiloti faoliyatini yo‘lga qo‘yishda qatnashgan. Valyutani tartibga solish va transfert narxni belgilash masalalari bo‘yicha maslahat beradi. Tibbiyot va farmatsevtika, infratuzilma va qurilish, chakana savdo va elektron tijorat, energetika va tabiiy resurslar sohalaridagi mijozlar bilan ishlaydi.
O‘z amaliyotida xalqaro investitsiya huquqiga alohida e’tibor qaratadi. 2023-yildan buyon professional mediator maqomiga ega. Jamoatchilik asosida talabalar o‘rtasidagi xalqaro huquqiy tanlovlarda (FDI Moot) ishtirok etadi va xalqaro investitsiya huquqi sohasida huquqiy madaniyatni yuksaltirishga ko‘maklashadi.
Toshkent davlat yuridik universitetini (LL.B.) tamomlagan. O‘zbek, rus va ingliz tillarini biladi.
